गढीमाई नगरपालिकामा ट्याक्टरमा च्यापिएर आज दुईजना नाबालकको ज्यान गएको छ । गढीमाई नगरपालिका– २ हथिऔलमा रहेको उखु पेल्ने क्रसर उद्योग परिसर ना।३ त। ६२८४ नम्वरको ट्याक्टर दुर्घटना हुँदा ७ बर्षीय रविराज दास र ५ बर्षीय विकास वैठाको ज्यान गएको हो । उक्त उद्योगमा माटो भर्ने क्रममा ट्याक्टर पल्टिन गई ती दुबै बालकको ज्यान गएको हो ।
उद्योग परिसरमा दुबै बालक खेलिरहेको अबस्थामा ट्याक्टर पल्टिएको जनाइएको छ । इलाका प्रहरी कार्यालय गरुडाका प्रहरी निरीक्षक गोविन्द थापाले घटनापछि ट्याक्टर नियन्त्रणमा लिएको बताए । चालक भने फरार रहेको र उनको खोजबिन भैरहेको उनले बताए ।
