ताप्लेजुङ ,२५ फागुन । चट्याङले लागेर ताप्लेजुङको मिक्वाखोला गाउँपालिका वडा नम्बर ४ साँवामा एक महिलाको मृत्यु भएको छ।
मृत्यु हुनेमा मिक्वाखोला ४ साँवा निवासी ३२ बर्षिय दावाफुटी शेर्पा रहेको जिल्ला प्रहरी कार्यालय ताप्लेजुङका सूचना अधिकारी प्रहरी निरिक्षक काँशीनाथ रेग्मीले जानकारी दिए।
उनका अनुसार आफ्नै घरमा खाना खाइरहेको अवस्थामा बर्षासँगै परेको चट्याङ लागेर उनको मृत्यु भएको हो। हिजो बेलुकी भएको घटनाको बारेमा प्रहरीलाई खबर पुगे लगत्तै प्रहरी चौकी लिवाङबाट प्रहरी टोली सावा तर्फ खटिएर जानकारी ल्याएको समेत रेग्मीले जानकारी दिए।
