भोजपुर, २५ फागुन ।
भोजपुर नगरपालिका –४ शिद्धेश्वरमा रहेको शिद्धेश्वर माध्यमिक विद्यालयको ७० औ वर्षिक उत्सव सम्पन्न भएको छ । उत्वसको अवसरमा विद्यालयको दावा ज्योती –२ स्मारिका २०७४ समेत प्रकाशन गरिएको छ । २१ गतेबाट शुरु भएको प्रतियोगितमा विभिन्न प्रतियोगिताहरु गरिएको थियो ।
उत्सवको अवसरमा भोजपुर नगरपालिका स्तरिय भलिवल प्रतियोगिता समेत गरिएको थियो । जसमा भोजपुर नगरपालिका– ३ गुप्तेश्वर प्रथम, भोजपुर नगरपालिका –७ कोदार दितिय र भोजपुर नगरपालिका –२ हेलौछा तृतिय भएका छन् ।
प्रतियोगितामा प्रथम,दितिय र तृतिय हुने टिमले मेडल तथा प्रमाण पत्रको साथमा क्रमश नगद ३१ हजार, २१ हजार र ११ हजार पाएका छन् ।
त्यस्तै सोही अवसरमा इमान्दार तथा लगनशिल एक जना शिक्षक र एक जना कर्मचारी सम्मान गरिएको छ । शिक्षक नरेन्द्र पधान र कर्मचारी लाल वहादुर प्रधानलाई नगद र सम्मान पत्रले सम्मान गरिएको हो । वार्षिक उत्सव भव्य रुपमा सम्पन्न भएको विद्यालय व्यावस्थापन समितिका अध्यक्ष हरिवहादुर खड्काले जानकारी दिए ।
