२४ फागुन ।
दुई दिदी बहिनी आफनै घरमा झुण्डिएको अवस्थामा फेला परेकी छिन । जनकपुर उपमहानगरपालिका १४ स्थित रजौल बस्ने नरेन्द्र चौधरीको छोरी १६ वर्षिय अन्जली चौधरी र निजको बहिनी १४ वर्षिय चाँदनी चौधरी आफनै घरको छुट्टा छुट्टै कोठाको सिलिङमा झुण्डिएको अवस्थामा फेला परेको जिल्ला प्रहरी कार्यालय धनुषाले जनाएको छ ।
मृत्युको कारण खुल्न सकेको छैन। धनुषा प्रहरीले घटनाको अनुसन्धान गरिरहेको धनुषाका प्रहरी उपरीक्षक चक्रवहादुर सिंहले जनाएका छन । यसैगरी धनुषाको मिथिला नगरपालिका ७ ढल्केबर बस्ने हरिनारायण महतो को श्रीमति ईन्दु देवी महत्तोले विषादी सेवन गरी आत्महत्या गरेकी छिन ।
विष सेवन गरी घाईते भएको अवस्थामा निजका आफन्तले उपचारको लागी जनकपुर तर्फ लादै गर्दा बाटैमा मृत्यु भएको प्रहरीले जनाएको छ । सो घटनाको पनि प्रहरीले अनुसन्धान गरिरहेको छ ।
