भोजपुर, २२ फागुन ।
भोजपुरको हतुवागढी गाउँपालिकामा आगलागी हुँदा ३० लाख वरावरको क्षति भएको छ । सोही गाउँपालिकाको वडा नं – ६ होम्ताङ्गका प्रर्शुराम राईको घरमा आगलागी हुँदा सो वरावरको क्षति भएको प्रहरी जनाएको छ ।
आगलागीबाट राईको दुई ओटा घर र दुई ओटा गोठघर पुर्ण रुपमा जलेको जिल्ला प्रहरी कार्यालय भोजपुरले जनाएको छ ।
आगलागीबाट कुनै पनि मानविय क्षति नभए पनि एउटा सुँगुर भने जलेर मरेको प्रहरीको भनाई छ । मंगलवार विहान तीन वजे राईको भान्साको चुल्होबाट आगो सल्कीएको प्रहरीको भनाई छ । त्यस्तै अहिले साँझबाट ट्याम्केमैयुङ्ग गाउँपालिका– ९ ओइराङ्गको जंगलमा आगलागी भएको प्रहरीले जनाएको छ ।
करिव ५० देखि ६० मिटर क्षेत्रमा फैलिएको आगो स्थानिय र प्रहरीको सकृयतामा नियन्त्रणमा लिएको जिल्ला प्रहरी कार्यालय भोजपुरका सुचना अधिकारी चरित्र विक्रम कार्कीले जानकारी दिए ।
