सोलुखुम्बु, ७ फाल्गुन
सोलुखुम्बुको नेचासल्यान गाउँपालिका ५ मा आगलागी हुँदा पाँच लाख वरावरको क्षति भएको छ।आईतबार दिउँसो सवा २ बजे सोही ठाउँ बस्ने अंगले राईको घरमा खोले पकाउने क्रममा चुल्होबाट अचानक आगलागी भएको हो ।
आगलागीबाट राईको ढुंगा माटोले बनेको खरको छानो भएको २ तल्ले कच्ची घर तथा घर भित्र रहेको अन्नपात, भाडावर्तन, नगद २० हजार, डेढ तोला सुन, कागजपत्र, समेत पुर्ण रुपमा जलेर नष्ट हुँदा उक्त मूल्य बराबरको क्षति भएको हो।
आगलागी प्रहरी र स्थानीय मानिसहरुको सहयोगमा पूर्ण रुपमा नियन्त्रणमा आएको इलाका प्रहरी कार्यालय नेचाले जनाएको छ।
