नियमित गर्भ जाँच गराउने महिलालाई अण्डा उपहार

बलेवा, १४ मङ्सिर । जिल्लाको काठेखोला गाउँपालिकाले गर्भवतीको पोषणमा सहयोग प¥याउने उद्देश्यले अण्डा वितरण अभियानको शुरुवात गरेको छ ।

गर्भवतीलाई नियमित स्वास्थ्य जाँच गराउन प्रेरित गर्ने र पोषणयुक्त खानामा ध्यान पु¥याउने भन्दै गाउँपालिकाले नियमित गर्भ जाँच गराउनेलाई अण्डा वितरण गर्ने अभियान थालेको हो ।गर्भवती महिलामा गर्भ रहेको सामान्यतयाः चार महीनादेखि नौ महीनासम्म गर्भ जाँच गर्न आउँदा स्वास्थ्य संस्थामार्फत नै अण्डा वितरण गर्न थालिएको गाउँपालिकाका स्वास्थ्य शाखा प्रमुख रामचन्द्र लामाले जानकारी दिए

गर्भवतीलाई नियमितरुपमा स्वास्थ्य संस्थामै आएर गर्भ परीक्षण गराउने बानीको विकास गर्नका लागि उक्त अभियान संचालन गरिएको गाउँपालिकाका अध्यक्ष अमर थापाले जानकारी दिए । “गर्भवती महिला नियमित स्वास्थ्य संस्थामा आएर गर्भ परीक्षण गराउने बानीको विकास गराउने एउटा उद्देश्य हो”, अध्यक्ष थापाले भन्नुभयोे, “अर्कोतर्फ पौष्टिक आहाराको कमी हुनबाट बचाई आमा र बच्चाको स्वास्थ्यमा विशेष ध्यान दिनु हाम्रो दायित्व ठानेर यो अभियान सञ्चालन गरेका हौँ ।”

गर्भ रहेको चारदेखि छ महीनाका महिला स्वास्थ्य संस्थामा आए दुई क्यारेट अण्डा दिने व्यवस्था मिलाइएको छ भने आठदेखि नौ महीनामा थप एक क्यारेट अण्डा दिने व्यवस्था रहेको गाउँपालिकाका प्रमुख प्रशासकीय अधिकृत खिमबहादुर विकले जानकारी दिए ।

अण्डा पाउनका लागि गर्भवती महिलाले पहिलो परीक्षण अवधि तीन महीनादेखि प्रत्येक महिनामा जाँच गराउनुपर्छ । स्वास्थ्य संस्थामा गर्भ जाँचका लागि पुगेका महिलालाई स्वास्थ्यको अवस्था र आवश्यक पौष्टिक आहारका विषयमा जानकारी गराएरमात्रै अण्डा वितरण गर्ने गरिएको छ ।काठेखोला गाउँपालिका बाहिरका गर्भवती महिलालाई पनि यो स्वास्थ्य संस्थामा नियमित गर्भ जाँच गराउन आएमा अण प्राप्त गर्ने व्यवस्था गाउँपालिकाले मिलाएको छ ।

“काठेखोला गाउँपालिका भित्रका गर्भवती महिलाले गाउँपालिका भित्रकै स्वास्थ्य संस्थामा गएर गर्भ जाँच गराउन सक्नुहुन्छ”, अध्यक्ष थापाले भन्नुभयो, “अन्य स्थानीय तहका गर्भवती महिलाले पनि काठेखोला गाउँपालिका भित्रका स्वास्थ्य संस्थामा आएर जाँच गराए र कार्ड लिएको अवस्थामा हामीले अण्डा प्रदान गर्दछौँ ।”

गर्भ अवस्थामा शरीरलाई पौष्टिक तत्वको आवश्यकतापर्ने भएकाले गर्भवती महिलाको स्वास्थ्यको ख्याल गरी गाउँपालिकाले उक्त अभियान सञ्चालन गरेको प्रमुख प्रशासकीय अधिकृत विकले जानकारी जानकारी दिए ।

गाउँपालिकाभित्र रहेका बर्थिङ सेन्टरमा गएर सुत्केरी भएमा रु दुई हजार दिने सरकारको नियमलाई पनि काठेखोलाले पालना गरेको छ । काठेखोला गाउँपालिकाका आठ वटा वडामध्ये हाल सात वटा वडामा मात्र स्वास्थ्य चौकी छन् भने पाँच वटा स्वास्थ्यचौकीमा बर्थिङ सेन्टरको व्यवस्था गरिएको छ । गाउँपालिकामा रहेका स्वास्थ्य संस्थाबाट हालसम्म ४४ जना गर्भवतीले यो सुविधाको उपभोग गरेका छन् ।

जसमध्ये रेश स्वास्थ्यचौकीबाट आठ जना, लेखानी स्वास्थ्यचौकीबाट तीन जना, बिहुँ स्वास्थ्यचौकीबाट १७ जना, तङ्ग्राम स्वास्थ्य चौकीबाट दुई जना, धम्जा स्वास्थ्यचौकीबाट तीन जना, भीमपोखरा स्वास्थ्य चौकीबाट सात जना र पाला स्वास्थ्यचौकीबाट चार जना गर्भवतीले अण्डा लिइसकेको स्वास्थ्य शाखा प्रमुख लामाले वताए । यो । धम्जामै रहेको सामुदायिक स्वास्थ्य एकाइबाट समेत एक जना गर्भवतीले अण्डा सुविधा लिएको लामाले वताए ।