आज २०७३ फागुुण १० गते

पल्सर स्पोर्ट्स अवार्ड–२०७२ मा नवयुग र फुपूल्हामु

खेलकुद २०७३ साउन ७ ८७६ पटक हेरिएको

Image title

काठमाडौं । नेपाल खेलकुद पत्रकार मञ्चले आयोजना गरेको पल्सर स्पोर्ट्स अवार्ड—२०७२ अन्तर्गत सर्वोत्कृष्ट पुरुष खेलाडीको अवार्ड फुटबलर नवयुग श्रेष्ठ र सर्वोत्कृष्ट महिला खेलाडीको अवार्ड जुडोकी फुपूल्हामु खत्रीले जितेका छन् । बिहीबार आयोजित कार्यक्रममा अवार्ड विजेताको घोषणा गरिएको हो । 

सर्वोत्कृष्ट पुरुष खेलाडीको अवार्डमा फुटबलकै विकेश कुथू, भारोत्तोलनका विकास थापा, उसुका राजेश चौधरी र तेक्वान्दोका वीरबहादुर महरा पनि मनोनयनमा परेका थिए ।सर्वोत्कृष्ट महिला खेलाडी अवार्डका लागि भने उसुकी निमा घर्तीमगर, ट्रायथलनकी रोजा केसी, तेक्वान्दोकी रेजिन कार्की र पौडीकी गौरिका सिंह पनि मनोनयनमा परेका थिए । १२ औं दक्षिण एसियाली खेलकुद (साग) मा नवयुग र फुपूल्हामु दुवैले स्वर्ण पदक हात पारेका थिए ।सर्वोत्कृष्ट युवा खेलाडीको अवार्ड फुटबलर अञ्जन विष्टले हात पारे । 

क्रिकेटका सन्दीप लामिछाने, पौडीकी गौरिका सिंह, जुडोकी मनिता श्रेष्ठ र उसुका निमा घर्तीमगर पनि उक्त अवार्डको मनोनयनमा परेका थिए ।सर्वाधिक लोकप्रिय खेलाडी ‘पिपुल च्वाइस अवार्डु टेबुलटेनिसकी नविता श्रेष्ठले जितिन् । फुटबलका नवयुग श्रेष्ठ, भलिबलकी प्रतिभा माली, क्रिकेटका सन्दीप लामिछाने र भारोत्तोलनकी तारादेवी पुन उक्त अवार्डको मनोनयनमा परेका थिए । सर्वोत्कृष्ट प्रशिक्षकको अवार्ड फुटबलका बालगोपाल महर्जनले जिते । 

फुटबलकै राजुकाजी शाक्य, उसुका प्रकाश महर्जन, क्रिकेटका जगत टमटा र जुडोका दलबहादुर गुरुङ उक्त अवार्डको मनोनयनमा थिए ।एन्फाका तत्कालीन कार्यवाहक अध्यक्ष स्वर्गीय ललितकृष्ण श्रेष्ठलाई मरणोपरान्त स्पेसल अवार्ड, पूर्वखेलाडी तथा फिफा रेफ्री श्रीराम रञ्जितकारलाई लाइफटाइम अचिभमेन्ट अवार्ड र राष्ट्रिय फुटबल टोलीलाई ‘टिम अफ दि इयरु अवार्ड प्रदान गरियो । उत्कृष्ट पारा एथलिट अवार्ड तेक्वान्दो खेलाडी सीता भण्डारीलाई प्रदान गरियो ।

Loading...

यसमा तपार्इको प्रतिक्रिया राख्नुहोस

Find us on facebook